Елена Рыбакина екі жарым сағатқа созылған ойында камбэк жасады

Қазақстандық теннисші Елена Рыбакина Мадридтегі турнирді жеңіспен бастады, деп хабарлайды Vesti.kz. 

Елена жарысты екінші айналымнан бастады. Румын теннисшісі Елена-Габриэла Русемен (№71) кездесті. Бірінші сетте қарсыласына 4:6 есебімен есе жіберді. Кейінгі екі сетте камбэк жасап, 6:3 және 7:5 есебімен камбэк жасады. 

Келесі кезеңде қазақстандық теннисші қытайлық Чжэн Циньвэнь (№36) қарсы ойнайды. Ол өз кезегінде америкалық София Кенинді (№68) жеңіп шықты.

Айта кетейік, Madrid Open турнирі 21 сәуір мен 3 мамыр аралығында өтеді. Жүлде қоры 8,2 миллион долларды құрайды.