Қазақстандық теннисші Александр Бублик Олимпиада чемпионы мен US Open турнирінің финалисі неміс Александр Зверевпен бала күнінде төбелескенін айтты, деп жазады "Чемпионат".
"Екеуміздің бала күнімізде төбелескеніміз рас. Жалпы бұл туралы ешнәрсе айтқым келмейді. Сөзге келіп қалғанбыз. Кім жеңді дейсіз бе? Қазір екеуміз де дін-аманбыз. Ең бастысы тіріміз. Демек екеуміз де жеңімпазбыз", - дейді Бублик.
Еске салайық, Зверев Токиодағы жазғы Олимпиада ойындарының чемпионы атанды. Қазіргі таңда Германияның намысын қорғайтын спортшы әлемдік рейтингте 8-орында тұр. Ал Бублик болса 41-орында келеді.