Бублик US Open турнирінің 1/8 финалына өтті

Қазақстандық теннисші Александр Бублик АҚШ-тың Нью-Йорк қаласында өтіп жатқан US Open-2025 турнирінің төртінші кезеңіне өтті.

Отандасымыз үшінші айналымда америкалық Томми Полдан басым түсті.

Кездесу 7:6 (7:5), 6:7 (4:7), 6:3, 6:7 (5:7), 6:1 есебімен аяқталды.

Ойын 3 сағат 40 минутқа созылды. Бублик 21 эйс жасап, 12 қос қателік жіберді және сегіз брейк-пойнттың үшеуін пайдаланды.

1/8 финалда қазақстандық спортшы әлемнің бірінші ракеткасы - италиялық Янник Синнермен кездеседі.