Халықаралық кәсіпқой теннис федерациясы (АТР) өзінің ресми сайтында Ресейдің Санкт-Петербург қаласындағы турнирді Нұр-Сұлтан қаласына ауыстырып жіберді, деп жазады "Р-Спорт" басылымы.
Турнирді не үшін ауыстырғаны туралы айтылмаған. АТР 250 санатындағы турнир 19 және 25 қыркүйек арасында өтеді. Ал Мәскеудегі Кремль кубогі белгіленген уақытында 17-23 қазанда болады.
Санкт-Петербургтегі АТР 250 турнирі 26 мәрте өткен. Ал Нұр-Сұлтан қаласында АТР 250 санатында турнир бір рет, өткен жылы ғана болған.