Қазақстанның бірінші ракеткасы Александр Бублик (№16) Париждегі «Мастерс» турнирінің жартылай финалында жеңіліс тапты, деп хабарлайды Vesti.kz.
Финалға жолдама үшін Бублик канадалық теннисші Феликс Оже-Альяссиммен (№9) кездесті. Бірінші сетте канадалық спортшы 7:6 (3) есебімен басым түсті.
Екінші партияда Бублик 4:1 есебімен алда тұрғанымен, матчты өз пайдасына аяқтай алмады – 4:6. Кездесу 1 сағат 36 минутқа созылды.
Айта кетейік, Париждегі беделді турнирдің екінші жартылай финалында италиялық Янник Синнер мен германиялық Александр Зверев кездеспек. Олардың ойыны Бублик пен Оже-Альяссим арасындағы матчтан кейін бірден басталады.
Сонымен қатар, Александр Бублик финалға шығу жолындағы кездесуде ашуға беріліп, ракеткасын сындырып алған сәт те тіркелді.
Жарнама