Аустралиялық зерттеушілер жеңіл жаттығулар да ми жұмысына оң әсер ететінін анықтады, – деп хабарлайды Vesti.kz.
Когнитивті функцияларды жақсарту үшін міндетті түрде қарқынды спортпен айналысу қажет емес, орташа деңгейдегі белсенділік те жеткілікті.
Оңтүстік Аустралия университетінің мамандары 258 мыңнан астам адам қатысқан 133 ғылыми зерттеуді талдап шықты. Ең жоғары нәтиже көрсеткен белсенді қимылдар:
Йога – күйзелісті азайтып, шешім қабылдауға жауапты префронтальді қыртыстың қызметін жақсартады.
Ұсынылатын жаттығу режимі: аптасына 2–3 рет, 20–30 минут.
Тайцзи (қимыл арқылы медитация) – назар мен есте сақтау қабілетін жақсартады.
Жаттығу жиілігі: аптасына 3 рет, 20–60 минут.
Экзергеймдер (мысалы, Nintendo Wii Sports, Beat Saber) – қимыл-қозғалыс координациясы мен реакция жылдамдығын дамытады, мидың когнитивті аймақтарын дамытады.
Ұсыныс: аптасына 3–5 рет, 20–30 минут.
Зерттеудің жетекші авторы Бен Сингх: "жеңіл жаттығулардың өзі ұзақ мерзімді перспективада ми саулығын сақтауға көмектеседі", – деп атап өтті.
Зерттеу нәтижелері British Journal of Sports Medicine журналында жарияланды.