Алматыда дуатлоннан қалалық біріншілік өтті

Өткен демалыста Алматы қаласындағы Орталық демалыс саябағында орналасқан велотректе - триатлеттер мен велошабандоздарды бір алаңда біріктірген дуатлоннан қалалық чемпионат өтті, деп хабарлайды Vesti.kz.

Жарыс алаңына бірінші болып эстафетада бақ сынаған "AGE GROUP" санатындағы ересек спортшылар шықты.

Командалық есепте 4 спортшыдан тұратын төрт команда өнер көрсетті:

1. World Class Almaty (Қарлығаш Қайырбекова, Марат Қадырбаев, Эдуард Дитрих және Уалихан Шажиров);
2. SundayBike 1 (Павлина Ковалева, Рахат Әкішев, Рустам Қалиев және Евгений Сладков);
3. SundayBike 2 (Ольга Ганюшкина, Айдос Баширов, Роман Сапрыгин және Ерлан Жалмағамбетов);
4. Shatnaya Team (Вячеслав Ким, Андрей Меренков, Екатерина Шатная және Айым Буссакова).

Әр қатысушы 1800 метрге жүгіру, 6,6 шақырымдық велокезең және 900 метрге жүгіруді өткерулері қажет еді. Команданың қорытынды уақыты транзиттік уақытты ескере отырып, барлық кезең уақытының сомасы бойынша есептелді.

Шаһарымыздың чемпионаты тартысқа толы өтті. Жарыс бастала сала World Class Almaty командасы алға шықты, олар жарыс бойы басқаларды бірнеше айналымға басып озды. Бірақ көрермендер оқиғаның күтпеген өзгерісіне куә болды - "SundayBike1" командасы көшбасшыны табандылықпен қуып жетіп, мәре сызығында жеңісті жұлып алды!

Жарыс қорытындысы бойынша "SundayBike1" бірінші (1:36:32), екінші орынды "World Class Almaty" командасы алса (1:36:32), ал үшінші "Shatnaya Team" (1:42:51) болды.

Алматы қаласы триатлон мектептерінің жаттықтырушылары арасында жеке есепте үздік нәтижені Никита Федотовских (World Class Almaty) көрсетті - 47 секунд. Артынша Антон Портнягин (Мy Win) мен Сұңқар Қарабалин де (Tengri News) жеңіс тұғырынан көрінді.  

 Осыдан кейін 1500 метр вело және 600 метрге жүгіру қашықтықтарында №1 ОРМБЖМ және №8 ОРМБЖМ тәрбиеленушілері қатарынан 8-12 жас аралығындағы жас спортшылар жарысты. Жеңімпаздар: Ян Чечет, Рания Алияр (8-10); Артем Абсалямов, Азалия Досқожа (11-12).