auth.social_login
Пожалуйста, подождите... Укажите email Укажите имя или псевдоним Укажите пароль Для регистрации на сайте Вы должны принять Правила сообщества Для редактирования профиля необходимо авторизоваться на сайте Укажите корректный Email material_dobavlen_v_izbrannoe Добавить в избранное Убрать из избранного Пароли не совпадают Задайте пароль для входа на сайт Хороший пароль должен содержать строчные, заглавные латинские буквы и цифры. Рекомендуется добавлять знаки препинания и задавать длину пароля не менее 8 символов Спасибо за Ваш голос! Добавить +1 Убрать +1 Выберите вариант ответа
Место
Русский Табло
Размещение рекламы: +7 700 388 81 09
RU
Сайтқа кіру
auth.social_login:
Сіздің Vesti.kz сайтындағы аккаунт Құпия сөзді ұмытып қалдыңыз ба?
Құпия сөзді ұмытып қалдыңыз ба?

Сіздің жаңа құпия сөзіңізді жіберетін email-ді атаңыз. Ақырында сіз құпия сөзді жеке бетіңізде өзгерте аласыз

Жарнама

Қала күніне орай Спартакиада өтті

Қала күніне орай Спартакиада өтті
©Ольга Апельганец

Жыл сайын қыркүйектің үшінші жексенбісінде Алматыда қала күні тойланып, түрлі мерекелік іс-шаралар өтеді. Алып шаһар Алматыда мерекеге орай "Ұлттық мұра" бағдарламасы мен қалалық дін істері Басқармасының ұйытқы болуымен кезекті Спартакиада ұйымдастырылды, деп жазады Vesti.kz тілшісі.

Соңғы жылдары қала халқы Спартакиаданы тағатсыздана тосып, спорттық шараға қызығушылықпен қатысатын болды. Биыл да бұл мереке жоғарғы деңгейде ұйымдастырылып, келушілерге ерекше әсер мен көтеріңкі көңіл-күй сыйлады. "Нұр-Мүбәрак" Мысыр ислам мәдениеті университетінде өткен спорттық шарада қатысушылар арқан тарту, асық ату, армрестлинг, қошқар көтеру, гір тасын көтеру және тоғызқұмалақ секілді спорт түрлерінен бақ сынады.

Әдеттегідей көпшілік назарын өзіне аударған – Қошқар көтеру сайысы болды. Өйткені жарыстың шарты бойынша бәске тігілген қошқарлар жеңімпаздың жетегінде кетеді. Жүлдеге екі бірдей қошқар тігіліп, алғашқы топта Бауыржан Әбдіқайым жеңімпаз атанды. Ол 2 минут ішінде қошқарды 71 рет көтерді. Ал екінші қошқар Есалы Абдуллаевқа бұйырды. Ол тіпті алдыңғы жеңімпаздан асып түсіп, (80 рет) өзіндік рекорд жасады.

Арқан тартушылар сайысында ұйымшылдық танытқан "Қастер" тобының апайтөс жігіттері топ жарды. Білекті жігіттердің бәсекесі – армрестлингте Абзал Пірімбек қарсылас шақ келтірмей, тұғыр биігінен көрінді.

Асық атуда ұлттық спортымызды мықты меңгерген Азамат Абдуллаев мергендік танытып, бас жүлдені иеленді.

Гір тасын көтерген білекті жігіттер де көпшілікті тамсандырды. 16 келілік екі тасты қос иығына салып алып, 161 рет әуелеткен Михаил Фомичев бас жүлдені жеңіп алды. Азамат Сембаев екінші болса, Мағжан Бәжен жүлделі үштіктен көрінді.

Қазақтың ұлттық зияткерлік ойыны тоғызқұмалақ сайысы да тартысты болды. Финалда Жарқын Ақтілек пен Мәди Бекболатов кездесіп, тамаша тактикалық ойын-өрнегін көрсеткен Жарқын Ақтілек жеңіске жетті.

"Негізі адамдар екі нәрсенің қадірін білмейді – дейді. Ол – денсаулық және уақыт. Сол себепті уақытпен де денсаулықпен де тығыз байланысты болса екен деген оймен Нұр –Мүбәрәк мешітіне жұма намазға келушілер көбірек қатысып, спортқа қызығушылығы артса деген оймен дәл осы жұма намаздан кейін өткізіп отырмыз. Қала күніне орай биыл төртінші жыл қатарынан өткізіп отырған спорттық шарамыз. Бастысы осындай игі шаралар арқылы елдің руханияты көтеріліп, мешіт жамағатының бірлігі нығая түседі" - дейді "Ұлттық мұра" бағдарламасының менеджері Алия Шайхан.

Спартакиада соңынан жеңімпаздар мен жүлдегерлер  ұйымдастырушылар тағайындаған бағалы сыйлықтармен марапатталды. Сондай-ақ, әрбір қатысушы әйгілі Алматының апортынан дәм татып, тамсана тарқасты.  

Спартакиаданың негізгі мақсаты - мешіт жамағаты арасында дене шынықтыру мен спортты, салауатты өмір салтын насихаттау. Сонымен қатар исламның дәстүрлі емес ағымының жетегінде жүрген жандарға асыл діннің оң жолын көрсету. Дәстүрлі діндер арасындағы ауызбірлік пен татулықты, тыныштық пен тұрақтылықты, бейбітшілік пен ынтымақты дәріптеу.

 

 

Vesti.kz сайтын осы әлеуметтік желілерінде оқыңыздар

@vestisport @vestikzsport

Vesti-де Tik Tok та бар @vestikzsport

 

Әлеуметтік желілерде бөлісу


Жарнама

Жарнама

Жарнама

Жаңалықтар

Жарнама

Жарнама