"Реал" аргентиналық клубтың ойыншысымен келісімшарт жасасуы мүмкін

Аргентиналық "Ривер Плейт" футбол клубының жартылайқорғаушысы Эксекиэль Паласиос спорттық мансабын Испания чемпионатында жалғастыруы мүмкін. TyС Sports мәліметінше, 20 жастағы футболшы "Реал" сапына ауысуы мүмкін. 

Мадридтік клуб аргентиналық футболшы үшін 20 миллион еуро төлеуге дайын. Паласиос осы маусымды өз командасында ойнайды да, келесі жылы жазда "Реалға" ауысады. 

Осы маусымда жартылайқорғаушы Аргентина чемпионатында "Ривер Плейт" сапында тоғыз ойын өткізіп, онда екі гол салып, екі рет нәтижелі пас шығарды. 

"Реал" осы маусымда 10 ойын өткізіп, тоғызыншы орында тұр.