Лопетеги: Ковачич "Реалмен" жаттығу жасап жүр, ешқандай да ереуіл жоқ

"Реал" бас бапкері Хулен Лопетеги мадридтік клубтың жартылай қорғаушысы Матео Ковачичтің жаттығуға қатыспай, басқа клубқа ауыстыруын талап етті деген ақпаратқа қатысты пікір білдірді, - деп хабарлайды Marca.

"Маусым алдында біз жақсы тіл табыса алдық. Мен ойыншылардың қарым-қатынасына разымын. Біз өз жұмысымызды бастаймыз.

Модричтің біздің клуб үшін ойынын әрі қарай жалғастыратынына сенімдімін. Ол мұнда бақытты. Мен осы жағдай туралы футболшыдар мен "Реал" президентімен сөйлестім. 

Ковачичке қатысты, мен не айтып жатқандарын түсінбеймін. Байкот не ереуіл туралы естігенім жоқ. Ол жаттығу жасап жатыр. Екеуіміздің арамызда қандай да бір мәселе туындаған емес", - дейді Лопетеги.