Гризманның "Барселонадағы" басты қарсыласы Месси екен

Лондондық "Арсенал" командасының бұрынғы бас бапкері Арсен Венгер "Барселонаның" 29 жастағы франциялық шабуылшысы Антуан Гризманның ойыны туралы ойымен бөлісті. 

"Ұзақ уақыт бойы өз позициясында ойнамау әрине қиын. Әуелде футболшы мұны қалыпты жағдай деп қабылдауы мүкін. Егер ұзақ уақыт бойы футболшы бұл позицияда дұрыс нәтиже көрсете алмаса, оның көңіл-күйі түсіп кетеді. 

Бүгінгі таңда Гризманн орталық алаңда ойнауы керек шабуылшы. Өйткені, бұл позицияда ол өзін жақсы қырынан көрсете алады. Соңғы пас беру кезінде, гол соғатын кезде пайдасы көп болады. Бірақ оның қазір бір проблемасы бар. Ол- Лионель Месси. Гризманн ойнайтын позицияда аргентиналық футболшы ойнап жүр", -деді Венгер Goal басылымына берген сұқбатында. 

Айта кетейік, Гризманн биылғы маусымда "Барселона" сапында төрт ойынға қатысып, бірде-бір гол соға алмады.