Садақ атудан Ильфат Абдуллин Азия Кубогі кезеңінде топ жарды, деп хабарлайды Vesti.kz тілшісі Спортты дамыту дирекциясының ресми сайтына сілтеме жасап.
Ильфат Абдуллин садақ атудан Шарджадағы Азия Кубогінің 3-кезеңінің жекелей сынында жеңімпаз атанды. Отандасымыз бұл спорттың классикалық түрінен финалда бангладештік Мұхаммед Хәкім Ахмет Рубельді 6:4 есебімен жеңді.
Сәл ертеректе 2 жүлдені қоржынға ерлер құрамасы (классикалық түрі) салды. Ильфат Абдуллин, Дәулеткелді Жаңбырбай мен Санжар Мұсаев триосы қола медаль үшін кездесуде Бангладештен 6:2 есебімен басым түсті.
Айта кетейік кеше құралмалы садақпен (Compound bow) нысана көздеуде Қазақстан құрамасы 1 күміс және 1 қола медальге ие болған.
Қазақстан құрамасы 1 алтын, 1 күміс және 2 қола медальмен жалпы есепте 4-орын алды. Осымен садақ асынған мергендер үшін биылғы маусым аяқталды. Жүлде жеңіп алған спортшыларымыз бен бапкерлер қосынын құттықтаймыз! Жалпы есеп пен нәтижелер мына жерде.
Қалған қазақстандық спортшылардың нәтижесі:
Командалық матчтар: (классикалық садақ ату):
1-орын – Үндістан
2-орын – Оңтүстік Корея
3-орын – ҚР құрамасы (Ильфат Абдуллин, Санжар Мусаев пен Дәулеткелді Жаңбырбай)
Әйелдер құрамасы: ҚР құрамасы – 6-орын
Аралас командалық сын:
ҚР құрамасы – 6-орын
Құралмалы садақтан ерлер құрамасы: ҚР құрамасы – 5 -рын;
Әйелдер арасында:
1-орын – Үндістан
2-орын – Оңтүстік Корея
3-орын – ҚР құрамасы (Виктория Лян, Диана Макарчук пен Роксана Юнусова);