Жағажайдағы Азия ойындарында Қазақстан қоржынына қола медаль түсті

Қытайдың Санья қаласында өтіп жатқан VI Азия жағажай ойындарында Қазақстан қоржынына қола медаль түсті, деп хабарлайды Vesti.kz. 

Отандасымыз Ришат Хайбуллин спорттық құзға өрмелеудің жылдамдық дисциплинасында 4,81 секунд нәтижемен қола жүлдеге ие болды.

Қазіргі таңда Қазақстан құрамасының қоржынында алты медаль бар. Яғни, бір алтын, бір күміс және төрт қола.

Айта кетейік, бұл кешенді жарыстар күзде Жапонияда өтетін жазғы Азия ойындарына дайындық кезеңі саналады.