WBN редакторы P4P рейтингінде Ломаченконың Головкиннен озып кетуін түсіндірді

Василий Ломаченко. © Reuters

Америкалық WorldBoxingNews сайтының редакторы Фил Джей Vesti.kz тілшісіне берген сұхбатында үш дүркін әлем чемпионы Василий Ломаченконың (11-1, 9 КО) салмақ дәрежесіне қарамастан жасалатын рейтингте қазақстандық боксшы Геннадий Головкиннен (38-0-1, 34 КО) озып кеткенін түсіндірді.

"әр түрлі салмақ дәрежесінде чемпион атанудың абыройы жоғарырақ. Менің ойымша, Ломаченко P4P рейтингінде көш бастауға лайықты, себебі оның жекпе-жектері жойқын өтеді. Небәрі 12 жекпе-жек өткізген ол үш салмақ дәрежесінде чемпион атанды. Сонымен қатар ол өз дивизионындағы ең мықты дегендермен ғана шығады. Головкиннің соңғы он екі жекпе-жегінде әр түрлі боксшылар болды, олардың көбісін элита қатарына жатқызуға болмайды. Қалай болғанда екеуі де ұлы боксшы", - деді Джей.

Айта кетейік, WBN тұжырымы бойынша Головкин 2017 жылы ең үздік боксшы атанды. 36 жастағы қазақстандық боксшы бұл атақты 2013, 2014 және 2015 жылдары иеленген болатын. 2016 жылы Ломаченко Головкиннен осы атақты тартып алған еді.

Әлеуметтік желілерде бөлісу