WBC президенті Головкин мен "Канелоның" допинг сынамасының қорытындысын жариялады

Орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкин (37-0, 33 КО) мен мексикалық Сауль "Канело" Альварес (49-1-1, 34 КО) жекпе-жек алдынды допинг тексерістен өтті.

Бүкіләлемдік бокс ұйымының (WBC) президенті Маурисио Сулейманның айтуынша, екі боксшының қанынан да рұқсат етілмеген дәрумен табылмаған.

"WBC VADA-дан Геннадий Головкин, Сауль Альварес, Роман Гонсалес және Брайан Вилориилердің алдын-ала нәтижесін алды. Оның қорытындысы бойынша боксшылардың қанынан рұқсат етілмеген дәрумен табылмаған", - деп дазды Сулейман өзінің твиттер парақшасында.

@WBCBoxing received preliminary results from @Vada_Testing from collection of @GGGBoxing @Canelo @chocolatitobox & @BrianViloria . All clear
— Mauricio Sulaiman (@wbcmoro) 17 августа 2017 г.

Головкин мен Альваресті допингтен VADA ұйымы тексерген. Еске салайық, бұл екі боксшы арасындағы жекпе-жек 16 қыркүйек күні Лас-Вегастағы (АҚШ, Невада) T-Mobile Arena аренасында өтеді. Сауль Канело Альвареске қарсы жекпе-жекте Геннадий Головкин орта салмақта WBC, WBA (Super), IBF және IBO чемпиондық атақтарын қорғайды. Мексикалық "The Ring" журналының белбеуін бәске тігеді.

Әлеуметтік желілерде бөлісу