WBC Бүкіләлемдік бокс сериясында топ жарған боксшыларға берілетін белбеуді таныстырды

Бүкіләлемдік бокс кеңесі (WBC) Бүкіләлемдік бокс сериясында (WBSS) топ жарған боксшыларға берілетін белбеуді таныстырды. Бұл жобаның жалпы сыйақы қоры 50 миллион доллар.

Бұл белбеу жобада өнер көрсетіп, топ жарған екінші орта салмақтағы боксшылар мен бірінші ауыр салмақтағы боксшыларға беріледі.

THE @MuhammadAli WBC DIAMOND BELT FOR @WBSuperSeries @avniyldrm3 @CallumSmith23 @TeamSauerland https://t.co/rebUIukjAe vía @WBCBoxing pic.twitter.com/11DDZZrKV2
— Mauricio Sulaiman (@wbcmoro) 31 июля 2017 г.

Екінші орта салмақта бұл жобаға қатысатын боксшылардың қатарында WBC Silver белбеуінің иегері Каллум Смит және WBC International белбеуінің иегері Авни Йылдырым бар. Турнирдің жеңімпазы осы салмақтағы WBC белбеуінің міндетті үміткері атанады.

Бірінші ауыр салмақта WBC белбеуінің иегері Марис Бриедис пен осы белбеудің басты үміткері Дмитрий Кудряшов бақтарын сынайды. Жеңімпаз осы салмақта WBC белбеуінің иегері атанады.

Айта кетейік, жалпы бұл шоуда 16 бокс екі салмақ дәрежесіне сегіз сегізден бөлініп отыр. Бұл жоба аясында барлығы 14 кездесу өтеді. Боксшылар алдымен плей-офф кезеңіне қатысса, одан кейін ширек финал, жартылай финал және финалда өнер көрсетеді. Ширек финалдық жекпе-жектер қыркүйек және қазан айларында өтсе, жартылай финал 2018 жылдың қаңтар айында, ал финалдық кездесу келер жылдың мамыр айына белгіленіп отыр. Сондай-ақ жеңімпаз Muhammad Ali Trophy кубогын алады.

Әлеуметтік желілерде бөлісу