WBC Альварестің допинг-дауына қатысты ресми мәлімдеме жасады

Бүкіләлемдік бокс кеңесі (WBC) мексикалық Сауль "Канело" Альварестің допинг-дауына қатысты ресми мәлімдеме жасады, - деп хабарлайды Vesti.kz.

Кеңес мәлімдемесінде "Канелоның" көп жылдан бері "Таза бокс" бағдарламасында екені және карьерасында допинг-сынақтан талай рет өткені айтылған. Сондай-ақ, мұның бірінші рет кездесіп отырған жағымсыз оқиға екені айтылады. "Оның абсолют сенім вотумы бар. Мексикадағы уланған ет проблемасы жаңалық емес", - делінген мәлімдемеде.

Еске салайық, қазақстандық Геннадий Головкинмен қарымта кездесуге екі ай қалғанда мексикалық боксшының қанынан кленбутерол атты допинг табылды. "Канелоның" командасы мұны тамаққа қолданған еттің құрамында болуы мүмкін екенімен түсіндірді. Дегенмен Альварестің екі допинг сынамасы да қанында осы препараттың барын көрсеткен.

.@wbcmoro : @Canelo has been in the Clean Boxing Program for many years and he has been tested so many times during his career. This is the first ever adverse finding. He has our absolute vote of confidence.The problem of contaminated meat in Mexico is not new. pic.twitter.com/JdQS1fsQiZ

— World Boxing Council (@WBCBoxing) 12 марта 2018 г.