WBA "Суперчемпионы" Альваресті Головкиннің соққыларына төтеп бергені үшін мақтады

Жартылай орта салмақта WBA (Super) чемпионы Лео Санта Крус (33-1, 18 КО) орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0-1, 33 КО) мен мексикалық Сауль "Канело" Альварес жекпе-жегі туралы өз ойын жеткізді.

"Менің ойымша Головкин жеңді, мүмкін ары кетсе бір раунд шамасында. Жекпе-жек тым жақын дистанцияда өтті. Егер жеңісті Головкинге берсе, бұл әділ шешім болады. Меніңше, раундтар бойынша 7-5 есебімен Головкин жеңді. Кейбір раундтарда кімнің басым болғанын анықтау қиын болды.

Мен тең нәтижеге разымын, бірақ мен үшін Головкин жеңді. Triple G "Канелоға бірнеше рет ауыр соққылар жұмсады. "Канело" ол соққыларды жақсы қайтара білді. Мен "Альварестің сонша соққыларды қалай қабылдағанына таңғалдым", - деді Круз Fighthype басылымына берген сұхбатында.

Айта кетейік, Лас-Вегаста өткен жекпе-жек 12 раундтан тұрды. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.

Сондай-ақ, кейінірек жекпе-жектің толық видеосы жарияланды. Сонымен қатар, Спорттық комиссия басшысы "Канелоның" пайдасына дауыс берген төрешіні шеттетті.

Әлеуметтік желілерде бөлісу