Василий Ломаченко "Канеломен" өткен кездесуде Головкинді сылбыр қимылдады деп сынға алды

©Mikey Williams/ worldboxingnews.net

Екінші жеңіл салмақта WBO белбеуінің иегері украиналық Василий Ломаченко (9-1, 7 КО) орта салмақта WBA (Super), IBO, WBC және IBF тұжырымдары бойынша әлем чемпионы Геннадий Головкиннің (37-0-1, 33 КО) мекскикалық Сауль "Канело" Альвареске (49-1-2, 34 КО) қарсы өткен кездесуде қазақстандық боксшының өнеріне көңілі толмағанын айтты.

"Шынынды мықты әрі қызықты кездесу болды. Маған бұл кездесуде "Канелоның" шаршы алаңда қалай қимылдағаны және қорғанысы ұнады. Бірақ оның соққылары шамалы аздау болды. Дегенмен де ол жеңілді деп ойлаймын, Головкин жеңді. Алайда маған Головкиннің шаршы алаңдағы қимылдары ұнамады. Мен мұны жанкүйер ретінде мес, бокс түсінетін, бокспен шұғылданатын адам ретінде айтып отырмын. Мен тактика мен боксшылардың барлық қырларын көрсете алғаны туралы айтып жатырмын. Головкин бұл кездесуде барлық мықты қырларын көрсеткен жоқ. Алайда жеңімпаздарды сынамайтыны белгілі. Ол "Канелоны" жеңді. Енді екінші кездесуді асыға күтіп жүрмін", - дейді Ломаченко EsNews порталына берген сұқбатында.

Еске салайық, Головкин мен Альварес арасындағы бірінші кездесу 16 қыркүйек күні Лас-Вегаста өтіп, тең аяқталды. Осылайша отандасымыз WBC, WBA (Super), IBF және IBO белбеулерін сақтап қалды. Бұл боксшылар арасындағы екінші кездесу 2018 жылдың 5 мамырында өтуі мүмкін. Қазір екі боксшының командалары келіссөз жүргізіп жатыр.

Әлеуметтік желілерде бөлісу