Үлкен қателік немесе "Канело" нокаутқа түссе неден айырылады?

Youtube.com коллажы

Журналист Рич Чейни Boxing News Results сайтында жариялаған мақаласында Golden Boy Promotions промоутерлік компаниясы басты жұлдыздары Сауль "Канело" Альваресті қазақстандық Геннадий Головкинмен жұдырықтасуға рұқсат беріп, үлкен ағаттыққа жол бергенін айтады, - деп хабарлайды Vesti.kz.

Оның пікірінше, "Канело" Флойд Мейвезермен жұдырықтасып, төрешілер шешімімен ұтылған жекпе-жекпен еш ұқсастығы болмайды. Головкин мексикалықты нокаутқа түсіреді, осылайша, Альварестің жоғалтары көп.

"Канело" Головкинге нокаутпен ұтылса недан айырыларын көрейік:

- Головкин "Канелоны" нокаутқа түсірген кезде мексикалық жанкүйерлері одан теріс бұрылады.

- PPV- сатылымдарының түсуі. Жанкүйерлер ақымақ емес, олар енді мексикалықтың Хулио Сезар Чавес, Лиам Смит, Амир Хан және Джеймс Киркланд сияқты қарсыластармен жекпе-жегін көру үшін ақша төлемейді.

- Бокс сүйер жұртшылықтың сыйластығынан айырылады. Жанкүйерлер нокаутқа түскен боксшыларды қолдамайды. Неге екенін білмеймін, бірақ, солай.

- Жанкүйерлер "Канелоның" орнына Головкин өткізетін жекпе-жектер үшін ақша шығарғаныды жөн көретін болады.

Головкинмен жұдырықтасып "Канело" көп нәрсе жоғалтады. Альварестің жолы болса 12 праундтан кейін төрешілер шешімі бойынша ұтылады. Осыдан кейін "Канело" биыл наурызда Дэниэл Джейкобс сияқты шағымданады, жылайды, мені тонады деп айтады", - деп жазыпты автор.

Мұның алдында, Boxingnews24.com порталының шолушысы Дэн Эмброуз Головкинге мексикалық боксшыны нокаутпен жеңуі керектігі жайлы айтқан.

Альварес-Головкин жекпе-жегі 16 қыркүйекке белгіленген. Енді жекпе-жек өтетін орынды анықтау ғана қалды.

Әлеуметтік желілерде бөлісу