Тайсон Фьюри тағы да карьерасын аяқтағанын хабарлады

©Mirror

Ауыр салмақта әлемнің бұрынғы чемпионы болған британдық боксшы Тайсон Фьюри (25-0, 18 КО) тағы да карьерасын аяқтайтынын хабарлады.

"Мен бокста керемет табыстарға жеттім. Карьерам қызыққа толы болды. Бұл жолда мені мені қолдан, маған сенген жанкүйерлеріме алғыс білдіремін. Менің жекпе-жектеріме сіздердің де көңілдеріңіз толған шығар. Соңы", - деп жазба қалдырды Фьюри Инстаграмм парақшасында.

28 жастағы Фьюри өзінің соңғы кездесуін 2015 жылдың қараша айында украиналық боксшы Владимир Кличкодан үстем түсіп, IBF, IBO, WBO және WBA тұжырымдары бойынша әлем чемпионы атағын жеңіп алды. Бірақ содан соң әлі шаршы алаңға шықпады. 2016 жылджың күзінде британдық боксшының екі допинг сынағы теріс нәтижесін берді. Оның қанының құрамынан кокаин табылды.

Содан соң Фьюри бокстан кететінін хабарлады. Бірақ кейіннен өз сөздерін жоққа шығарды. 2016 жылдың соңында Британия бокс кеңесі допингке байланысты зерттеуі аяқталған Фьюридің лицензиясын алып қойды. 2017 жылы ол боксқа қайта оралғанын айтып еді. Алайда сол күйі жекпе-жек өткізген жоқ.

Әлеуметтік желілерде бөлісу