Танымал тілші Головкин мен "Канело" арасындағы екінші кездесудің қайда өтетінін айтты

Бокс туралы жазатын UCNLive порталының танымал журналисі Стив Ким 5 мамыр күні жоспарланған орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкин (37-0-1, 33 КО) мен мексикалық Сауль "Канело" Альварес (49-1-2, 34 КО) арасындағы кездесудің қайда өтетінін айтты. 

Головкин мен "Канело" арасындағы екінші кездесуді қабылдауға Лас-Вегастағы T-Mobile Arena спорт кешенінің мүмкіндігі мол. Дәл осы спорт кешенінде бұл екі боксшы арасындағы бірінші кездесу өткен болатын. Сонымен қатар жекпе-жекті Нью-Йорктегі Madison Square Garden қабылдауға дайын. Ал 80 мың жанкүйерге арналған Далластағы AT&T Stadium стадионы кездесуді қабылдаудан бас тартты. 

"Егер Эрик Гомес ("Канелоның" промоутері) пен Том Леффлердің (Головкиннің промоутері) сөздерін нақты аударатын болсақ, жекпе-жекті қай арена көп ақша төлейді, сол қабылдайтын болып тұр. Сондықтан бұл жерде Лас-Вегастың мүмкіндігі мол. Леффлердің айтуынша, Madison Square Garden көп ақша төлеуге дайын екен. Бірінші кездесудің билеттер сатылымынан 26 миллион доллар пайда түскен болатын. Ал MSG спорт кешені 30 миллион доллар табыс түсіре аламыз деп отыр. Бірақ Нью-Йоркта салық проблемма. Қонақ үйлердің бағасы да қымбат. Сонымен қатар MSG көп салалы спорт кешені. Сол үшін де бұл жерде шығын көбейіп кетеді. 

Головкин мен "Канело" Нью-Йоркті не үшін таңдап отырғаны белгілі. Өйткені, бұл қала екі боксшы үшін да бейтарап алаң болады. Ал Далластағы AT&T Stadium стадионы Ұлттық футбол лигада дравты қабылдайын деп жатыр. Ол сәуірде өтеді. Кейін стадионды бокс кешіне дайындап үлгермейді. Сондықтан стадионның қожайын Джерри Джонс жекпе-жекті қабылдаудан бас тартты. 

Осы жағдайлардың барлығын назарға алатын болсақ, Вегас - екінші кездесуді қабылдауға анық фоварит болып тұр", - деп жазады Ким. 

Головкин мен "Канело" арасындағы бірінші кездесу "T-Mobile Arena" спорт кешенінде жанкүйерлерді жинау көрсеткіші бойынша рекорд орнатқан еді. Сонымен қатар бұл кездесудің билеттер сатылымы бойынша көрсеткіш бокс тарихында үшінші орынға жайғасты.

Ал Daily Mail баслымының дерегі бойынша, бірінші кездесуде қазақстандық боксшы 25 миллион доллар табыс тапса, мексикалық боксшы отандасымызға қарағанда 10 миллион долларға көп табыс тапқан.