Сондерстің промоутері Головкин немесе "Канеломен" кездесу ұйымдастыру мүмкін емес екенін айтты

Билли Джо Сондерс. ©: eurosport.com

Орта салмақта WBO белбеуінің иегері Билли Джо Сондерстің (26-0, 12 КО) промоутері Фрэнк Уоррен британдық боксшыға орта салмақта өнер көрсететін мексикалық Сауль "Канело" Альварес (49-1-2, 34 КО) немесі осы салмақта WBA (Super), IBO, WBC және IBF тұжырымдары бойынша әлем чемпионы қазақстанды Геннадий Головкинмен (37-0-1, 33 КО) жекпе-жек ұйымдастыру мүмкін емес екенін айтты.

"Егер біз "Канеломен" кездескіміз келсе, онда АҚШ-қа баруға туралы келеді. Өйткені, ол жерде PPV көрсеткіші өте жоғары. Головкинмен кездесу өткізетін мүмкіндігіміз болды. Шынымен келісімге келген едік. Менің ойымша, "Канело" Биллимен кездескісі келмейді. Расымен олай ойламаймын. Маған "Канело" боксшы ретінде ұнайды. Ол өте мықты боксшы. Бірақ Альварес немесе Головкинмен қазір кездесу ұйымдастыру мүмкін емес. Мүмкін алдағы уақытта НВО арнасы бұл кездесулерді ұйымдастырып қалатын шығар", - деп келтіреді Уорреннің сөзін BT Sport порталы.

Еске салайық, бұған дейін Уоррен Сондерстің келесі жылғы басты мақсаты - орта салмақтағы барлық белбеулерді біріктіру екенін айтты. Ал аптаның басында Сондерстің Головкин мен "Канело" арасындағы екінші кездесудің андеркартында шаршы алаңға шығатыны туралы жазылған еді.

Әлеуметтік желілерде бөлісу