Сондерс өзіне назар аударту үшін Головкин арқылы жарнамаланып жүр - Демьяненко

WBO Asia-Pacific, WBA PanAsian Boxing Association (PABA), WBC Asian Boxing Council (ABCO) белбеулеріне ие болған қазақстандық кәсіпқой боксшы Виталий Демьяненко Vesti.kz тілшісіне берген сұхбатында британиялық Билли Джо Сондерстің қазақстандық Геннадий Головкинге қатысты неге қатты сөйлейтінін түсіндірді.

- Сондерс әлеуметтік желі арқылы Головкинді мұқатып, жекпе-жекке шақырып жатыр. Осыған қытысты не айта аласыз?

- Сондерс Головкиннің атағына сүйеніп өзін жарнамалап жатыр. Расын айтқанда ол ештеме шешпейді. Ол Головкинді жекпе-жекке шақырғанымен, промоутерлері нашар келісімшарт ұсынады да оның амалы қалмайды... Бас тарту ғана қалады. Ал қазір ол айқай арқылы өзін жарнамалап жатыр... Адамдардың назарына түсу үшін. Осыған дейін ешкім Головкинмен жұдырықтасқысы келмеген. Ал енді ол Джейкобспен күмәнді жекпе-жек өткізіп еді, барлығы ұйқысынан ойянғандай болды. Қазір Сондерс жарнамамен айналысып жатыр... Жекпе-жек болса да, ол мықты қарсылас емес.

Еске салайық, Геннадий Головкин 2017 жылдың соңына дейін бірнеше жекпе-жек өткізуі мүмкін. Британиялық Билли Джо Сондерс және мексикалық Сауль "Канело" Альварес қазақстандық боксшының қарсыласы атануы мүмкін.

Әлеуметтік желілерде бөлісу