Сондерс Головкиннің орнына грузиялық боксшымен жұдырықтасуы мүмкін

©AKboxing

Орта салмақтағы WBO тұжырымы бойынша әлем чемпионы британдық боксшы Билли Джо Сондерспен (24-0, 12 КО) WBA (Super), IBO, WBC және IBF тұжырымдары бойынша әлем чемпионы Геннадий Головкинің (37-0, 33 КО) орнына грузиялық боксшымен кездесуі мүмкін. Бұл туралы Boxinghypestore.com порталының твиттері хабарлап отыр.

Еске салайық, Головкин-Сондерс жекпе-жегі маусым айында Астана қаласында өтеді деп жоспарланға еді. Бірақ Yahoo! Sports порталының таратқан мәліметі бойынша, Головкин Сондреспен өтуі мүмкін деген жекпе-жектен бас тартып, оның орнына қыркүйекте мексикалық Сауль "Канело" Альвареспен жекпе-жек өткізуді таңдапты.

"Головкин кездесуден бас тартқаннан кейін, енді Хурцидзе келісім береді деп үміттенеміз. Ол осы сенбі күні Лэнфордқа қарсы кездесу өткізеді. Оның Box Nation TV арнасы көрсетеді", - деп жазба қалдырды Boxing Hype Store порталының твиттері.

Негіщі Сондрес әу баста Головкиннің орнына WBO белбеуіне басты үміткер Автандил Хурцидземен (32-2-2, 21 КО) жекпе-жек өткізуі керек еді. Бірақ британдық боксшының командасы алдымен Головкинмен кездесу өткізу үшін грузиялық боксшыға күте тұр деп, ақша төлеген болатын. Сол себепті де Хурцидзеге екінші бір британдық боксшы Томм Лэнгфордты (18-0, 6 КО) қарсылас етіп таңдап берді. Олардың жекпе-жегі 22 сәуір күні Лестер қаласында өтеді. Кездесуде WBO ұйымының уақытша чемпиондық атағы сарапқа салынады.

Осы жекпе-жектен кейін жазда Сондерс-Хурцидзе жекпе-жегі ұйымдастырылуы мүмкін.

Әлеуметтік желілерде бөлісу