Сондерс Головкинмен өтуі мүмкін жекпе-жектің қайда және қашан болатынын айтты
Орта салмақта WBO нұсқасы бойынша әлем чемпионы Билли Джо Сондерс BBC Radio 2 радиоарнасына берген сұхбатында WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкинмен (37-0, 33 КО) 24 маусымда Лондонның О2 Arena залында жекпе-жек өткізуі мүмкін екендігін жеткізді.
Бұл туралы өзінің твиттер желісіндегі парақшасында ресейлік бокс комментаторы әрі журналист Григорий Стангрит жазды. "Билли Джо Сондерс "BBC Radio 2" радиоарнасына берген сұхбатында Геннадий Головкинмен болатын жекпе-жек 24 маусымда Лондонның О2 Arena залында өтуі мүмкін екенін айтты", - делінген жазбада.
Билли Джо Сондерс сказал "BBC Radio 2",что бой против Геннадия Головкина может состояться 24 июня в Лондоне на "O2 Arena" #бокс #GGGSaunders
— Григорий Стангрит (@GPStangrit) 1 апреля 2017 г.
Айта кетейік, осы аренада Головкин басқа бір ұлыбританиялық юоксшының - Келл Брукпен жекпе-жек өткізген болатын. Кездесу 2016 жылы 10 қыркүйекте өтті және бесінші раундта Бруктың командасы шаршы алаңға сүлгі лақтырғаннан кейін, кездесу тоқтатылды. Бұл жекпе-жектің видеосын мына жерден көруге болады.
Осыған дейін, америкалық белгілі бокс сарапшысы Дэн Рафаэль Espn.com басылымына берген сұхбатында Головкин-Сондерс жекпе-жегінің қашан және қайда өтуі мүмкін екенін айтты. Оның айтуынша, GGG - Сондерс жекпе-жегі Ұлыбританияда өтпейді. "Келіссөздерге қатысты мәселелердің барлығы шешілсе, кездесу 10 маусымда Қазақстанда өтеді"
Еске салайық, қазақстандық боксшы бүгін, 19 наурызда Нью-Йоркте америкалық Дэниэл Джейкобсты ұпай айырмасымен жеңген болатын.
Айта кетейік, инсайдерлік ақпарат бойынша, БАҚ беттерінде Головкин - Сондерс жекпе-жегі Астанада 17 маусымда EXPO-2017 халықаралық көрмесі күндері өтетіні хабарланды. Қазақстандық боксшы мен мексикалық Сауль "Канело" Альварес арасындағы жекпе-жек қыркүйекте өтеді деп болжанады, алайда келіссөздер әлі де жүріп жатыр.
Загрузка матч-центра...
Жарнама