Орта салмақтағы WBO тұжырымының бойынша әлем чемпионы, британдық боксшы Билли Джо Сондерс (24-0, 12 КО) орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0, 33 КО) мен бірінші орта салмақтағы WBO тұжырымының чемпионы мексикалық Сауль "Канело" Альварес (49-1-1, 34 КО) арасындағы бокс кешінде өнер көрсетуі мүмкін.
Бұл туралы Behind The Gloves порталына берген сұқбатында британдық боксшының промоутері Фрэнк Уоррен айтып берді. Бірақ ол үшін Сондрестің алдымен 8 шілде күні Лондонда грузиялық Автандил Хурцидземен өтетін кездесуді жеңіп, белбеуін сақтап қалуы керек.
"Егер ол Лондонда жеңіске жетіп, жақсы жекпе-жек өткізетін болса, ол Головкин мен "Канело" арасындағы бокс кешінде өнер көрсетуі мүмкін. Сондай-ақ ол алдағы уақытта бұл екі боксшының бірімен кездесуі де ықтимал", - дейді Уоррен.
Бұған дейін Сондрестің өзі жыл соңына дейін Головкин немесе "Канелоның" біреуімен кездесуді мақсат етіп отыр. Дегенмен ол үшін шілдеде жеңіске жетуім керек дейді.
Жарнама