Шүменов карьерасын қайта жалғастыратын туралы айтып, алдағы жоспарларымен бөлісті

©: premierboxingchampions.com

Екі салмақ бойынша әлемнің бұрынғы чемпионы 34 жастағы қазақстандық кәсіпқой боксшы Бейбіт Шүменов (17-2, 11 КО) кәсіпқой боксқа не үшін қайта оралғанын және алдағы жоспарлары туралы айтып берді, деп жазады Vesti.kz.

"Менің менеджеріммен қиындықтар болды. Оның қолы көп босамай, маған керекті жекпе-жектерді ұйымдастырып бере алмады. Сонымен қатар мен көзімнен жарақат алып қалдым. Осының барлығы да жиналып қалғаннан кейін, мен карьерамды аяқтайтыным туралы хабарладым. Өйткені, мен біраз уақыт бойы шаршы алаңға шықпаған едім.

Негізі маған осындай үзіліс керек еді. Қазір карьерамды жалғастыруға дайынмын. Бабыма да келіп жатырмын. Мен ресми түрде кәсіпқой бокстағы карьерамды жалғастыратынымды хабарлаймын. Менің келесі кездесуім туралы айтатын болсақ, қазір келіссөз жүріп жатыр. Басқа ештеме айта алмаймын. Себебі, келіссөз жүріп жатыр", - деді Шүменов.

Бірінші ауыр салмақтағы WBA және жартылай ауыр салмақтағы WBA Super тұжырымдары бойынша әлем чемпионы атанған отандасымыз бірнеше минуттар бұрын кәсіпқой бокстағы карьерасын ресми жалғастыратынын хабарлаған еді.

Еске салайық, өткен жылдың соңында Бейбіт Шүменов карьерасын аяқтайтынын айтқан болатын. Оған себеп бірі ауыр салмақтағы әлем чемпионы кубалық боксшы Юниер Дортикоспен (22-0, 21 КО) өтетін кездесуде дайындық барысында алып қалған жарақаты себеп болған.

Әлеуметтік желілерде бөлісу