Сәттібаев "Астана арландары" клубының жаңа капитаны

Қазақстан құрамасы сапында 52 келі салмақ дәрежесінде өнер көрсетіп келген боксшы Олжас Саттыбаев "Астана Арландары" клубының жаңа капитаны болды, - деп хабарлайды Vesti.kz.

Олжас Саттыбаев Рио-де-Жанейродағы Олимпиада ойындарына қатысқан болатын. Бірақ, 1/8 финалда Саттыбаев Рауф оглы Мамишзадеден жеңіліп қалды. Сондай-ақ, Олимпиада ойындарынан кейін Саттыбаевтың ұлттық команданың құрамасынан кететіні хабарланған еді.

Жаңа маусымда "Астана Арландары" клубы Бүкіл әлемдік бокс сериясының топтық кезеңінде (WSB) Қытай, Өзбекстан және Ресей командаларының спортшыларымен өткізеді.

Айта кетейік, биыл елордалық клуб сапында ұлттық құрама боксшыларынан Сәттібаевтан бөлек, Риодағы Олимпиада ойындарының күміс жүлдегері Василий Левит те өнер көрсетуі ықтимал. 

Толығырақ: https://kaz.tengrinews.kz/allsports/astana-arlans-klubyina-jana-kapitan-keld-276473/
Материалды көшіріп басқанда Kaz.tengrinews.kz сайтына гиперсілтеме міндетті түрде қойылуы тиіс. Авторлық құқықты сақтаңыз.