Санчес Гассиев пен Дортикостың жекпе-жегі қашан өтетінін айтты

Бірінші ауыр салмақтағы IBF белбеуінің иегері ресейлік Мурат Гассиевтің (25-0, 18 КО) бапкері Абель Санчес Бүкіләлемдік бокс суперсериясында WBA Regular белбеуінің иегері кубалық Юниер Дортикоспен (22-0, 21 КО) өтетін кездесу туралы әңгіме барысында жекпе-жектің қашан өтетінін айтып қойды. 

"Бізді қиын жекпе-жек күтіп тұр. Дортикосты көпшілік дұрыс бағаламай жүр. Ол тек панчер ғана емес. Ол боксшыда кубалық бокс мектебі қалыптасқан. Кәсіпқой бокста 25 кездесу өткізген, тіс қаққан боксшы. Жекпе-жек 20 қаңтарда өтетін шығар. 

Мураттың соққысы жойқын. Мінезі де мықты. Дортикоса қарағанда тәжіибесі аз болса да, Гассиев рингтің ортасын алып, кездесуді өз бақылауында өткізеді", - дейді Санчес. 

Еске салайық, WBSS жобасының ширек финалына Дортиокс ресейлік Дмитрий Кудряшовты 21-2, 21 КО) жеңіп шықса, Гассиев польшалық Кшиштоф Влодарчикті (53-4-1, 37 КО)  жеңіп шықты.