Салидо қолына Қазақстанның туын алып, басына Головкиннің бас киімін киіп келесі кездесуін жарнамалады

Орландо Салидо. Сурет: ringtv.com

Орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкиннің (37-0-1, 33 КО) жанкүйері жартылай орта салмақтағы бұрынғы әлем чемпионы мексикалық боксшы Орландо Салидо (44-13-4, 31 КО) келесі кездесуін қашан өтетінін айтты.

Америкалық матчмейкер және промоутер Шон Гиббонс өзінің твиттер парақшасында Салидоның бірге түскен видеоны жариялады. Видеода олар жанкүйерлерді келесі кездесуіне шақырып жатыр. Бір айта кетерлігі, аталған видеода Салидо қолына Қазақстанның туын алып, басына GGG деп жазылған бейсболка киіп алған.

"Керемет бокс көргілеріңіз келеді ме? Онда 9 желтоқсан күні HBO Sports арнасын қосып, Салидоның жекпе-жегін өткізіп алмаңыздар. Triple G, мексикалық стиль", - деп жазды Гиббонс.

Салидо өзінің келесі кездесуін отандасы Мигель Романға (57-12, 44 КО) қарсы өткізеді. Жекпе-жек 9 желтоқсан күні Лас-Вегас қаласында екінші жеңіл салмақ дәрежесінде өтеді.

@GGGBoxing @TomLoeffler1 @HBOboxing @boxingscene @HenryWade20 @BarbosaBox @wbcmoro @ChavaESPN @Jcchavez115 @KevinI @FSalazarBoxing pic.twitter.com/9t4JrQhTLl
— Sean Gibbons (@KnuckleheadSean) 28 ноября 2017 г.