Роман Гонсалес Головкин мен "Канело" арасындағы бокс кешінде өнер көрсетуі мүмкін

©:FightNews.RU

P4P рейтингінің бұрынғы көшбасшысы никарагуалық боксшы Роман Гонсалес (46-2, 38 КО) орта салмақтағы WBA (Super), IBO, WBC және IBF тұжырымдары бойынша әлем чемпионы Геннадий Головкин (37-0-1, 33 КО) мен Сауль "Канело" Альварес 49-1-2, 34 КО) арасындағы екінші кездесуде өнер көрсеті мүмкін. Бұл туралы боксшының менеджері Карлос Бландон айтты.

"Роман 5 мамыр күні өтетін шоуда өнер көрсетуі мүмкін. Оның промоутері Акихиро Хонда мен Том Леффлер жақсы араласады. Леффлер бізді бұл шоуда көргісі келеді. Ал Роман болса Головкиннің андеркартында жұдырықтасқысы келеді. Дегенмен де әлі ешқандай келісімге келмедік. Келіссөз жүріп жатыр. Гонсалестің жекпе-жегінде ешқандай белбеу сарапқа салынбайтынын айта аламын", - дейді Бландон.

2017 жылы Роман Гонсалес үшін сәтсіз болды. Ол екі кездесу өткізіп, екенуінде де жеңіліп қалды. Алдымен наурыз айында ол төрешілердің шешімі бойынша тайландық Срисакет Сор Рунгвисмен (44-4-1, 40 КО) WBC белбеуі үшін өткен кездесуде жеңілсе, қыркүйек айында сол боксшымен екінші рет кездесіп, нокаутқа түсіп қалды.

Еске салайық, Головкин мен "Канело" арасындағы екінші кездесу 5 мамыр күні өтеді. Бірақ жекпе-жектін қайда өтетіні әлі белгісіз болып тұр.

Әлеуметтік желілерде бөлісу