RingTV Головкин мен Альварестің жекпе-жегін тікелей эфирде көрсетеді

THE RING Magazine журналының ресми сайты RingTV.com Головкин мен Альварес арасындағы жекпе-жекті онлайн режимінде көрсетеді. 

Журнал таратқан ресми мәлімет бойынша, Лас-Вегаста өтетін жекпе-жек HD форматында ағылшын және испан тілдерінде көрсетіледі. Трансляция шығысамерика уақыты бойынша 20:00-де басталады. 

Еске салайық, орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин мен мексикалық Сауль "Канело" Альварес арасындағы кездесу 16 қыркүйек күні Лас-Вегас қаласындағы T-Mobile спорт кешенінде өтеді. Қазірдің өзінде бұл бокс кешінің билеттері сатылып кеткен. АҚШ жерінде жекпе-жекті НВО арнасы ақылы жүйе бойынша көрсетеді.