Польша - Қазақстан матчының билеттері сатылымға шықты

2018 жылы өтетін әлем біріншілігіне іріктеу аясындағы Қазақстан- Польша матчына билеттерді қашаннан бастап сататындығын жариялады.

Кездесу 4 қыркүйекте Польша астанасы Варшава қаласындағы Ұлттық стадионынында өтеді. Польшаның БАҚ хабарлауына қарағанда, аталған матчқа билеттерді сату 15 тамыздан басталады. Алайда билеттер қазіргі кезде  арнайы картаға ие жанкүйерлер үшін қолжетімді.

Kupbilet.pl сайтының мәліметтері бойынша, матчтың билет құны 80-220 злотый ( шамамен 7,5 - 20,5 мың теңге).

Еске сала кетейік, Қазақстан мен Польша құрамаларының алдыңғы кездесуі  Астанада 2016 жылы 4 қыркүйекте өтіп, ойын 2:2 есебімен тең аяқталған болатын.