Пакьяо Хормен өтетін екінші кездесуді Филиппинде ұйымдастырғысы келеді

Филиппиндік Мэнни Пакьяо (59-7-2, 38 КО) австралиялық Джефф Хорнға (17-0-1, 11 КО) қарсы өтетін екінші кездесу Филиппинде өткенін қалайды, — деп жазады Fightnews.com сайты.

«Бұл жекпе-жек Австралияда өтпейді. Кездесудің Филиппинде өтуі үшін барлық жағдайды жасаймыз. Филиппин үшін бұл жекпе-жек туризмді көтеруде жақсы жарнамалардың бірі болады. Мұндай идеяны Филиппиннің президенті де қолдап отыр. Сондықтан да Хорнға қарсы менің карьерамдағы соңғы кездесудің Филиппинде өткенін қалаймын», — дейді Пакьяо.

Еске салайық, Мэнни Пакьяо мен Джефф Хорн арасындағы бірінші кездесу 2 шілде күні өткен еді. Ол кездесуде 12 раундтың қорытындысы бойынша Хорн төрешілердің шешімі бойынша жеңіске жетіп, WBO белбеуін жеңіп алған болатын.

Өткен аптада Хорнның промоутері австралиялық боксшының Пакьяомен екінші кездесуі өтпейтінін айтқан еді. Тіпті алдағы кездесуде Пакьяоның орнына Хорнмен Джесси Варгастың жекпе-жек өткізуі мүмкін деген де хабар тараған.

Әлеуметтік желілерде бөлісу