Оскар Де Ла Хойяның туысқаны Головкин - "Канело" арасындағы бокс кешінде жұдырықтасуы ықтимал

Мексикалық Диего Де Ла Хойя орта салмақтағы WBA (Super), IBO, WBC және IBF тұжырымдары бойынша әлем чемпионы Геннадий Головкин (37-0, 33 КО) мен мексикалық Сауль "Канело" Альварес (49-1-1, 34 КО) арасындағы бокс кештің андеркартында жұдырықтасуы мүмкін. Бұл туралы RadioFormula.mx хабарлайды.

Де Ла Хойя өзінің соңғы кездесуін 1 маусым күні Аргентинаның Сан-Луис қаласында өткізіп, төрешілердің бір ауыз шешімімен жергілікті боксшы Алан Кастильдан (21-7, 9 КО) үстем түсті. Сөйтіп ол екінші жеңіл салмақтағы WBC белбеуін үшінші рет қорғап қалды. Төртінші рет ол белбеуін 16 қыркүйек күні қорғауы мүмкін.

Диего Де Ла Хойя 44 жастағы бұрынғы боксшы, қазіргі уақытта "Канелоның" жұмыстарымен айналысатын Golden Boy промоутерлік компаниясының иегері Оскар Де Ла Хойяның 39-6, 33 КО) немере інісі.

Айта кетейік, бұған дейін Головкин мен "Канелоның" бокс кешінде ең жеңіл салмақтағы WBC чемпиондық белбеуінің иегері Лукас Матиссе (38-4, 35 КО) мен отандасымыздың бұрынғы қарсыласы америкалық Дэниэл Джейкобс (32-2,29 КО) пен канадалық Давид Лемье (38-3, 33 КО) жұдырықтасуға ниет білдірген.

Головкин мен "Канело" арасындағы кездесу 16 қыркүйек күні Лас-Вегастағы T-Mobile спорт кешенінде өтеді. Бұл кездесуде GGG орта салмақтағы WBA (Super), WBC, IBF және IBO тұжырымдары бойынша чемпиондық белбеулерін қорғайды. Алайда, "Канело" алдағы кездесуде WBC белбеуіне таласпайтынын айтты. Өйткені, мексикалық боксшы бұл ұйымның басшыларымен сөзге келіп қалған.

Кездесуді АҚШ жерінде HBO арнасы ақылы жүйе (PPV) бойынша көрсетеді. Головкин PPV жүйесі бойынша өзінің үшінші кездесуін өткізеді.

Әлеуметтік желілерде бөлісу