Не үшін Головкин - "Канело" жекпе-жегі PPV үшін тиімсіз?

Boxing News and Results порталы орта салмақтағы WBA (Super), IBO, WBC және IBF тұжырымы бойынша әлем чемпионы қазақстандық Геннадий Головкин (37-0, 33 КО) мен бірінші орта салмақтағы WBO тұжырымы бойынша әлем чемпионы мексикалық Сауль "Канело" Альварес арасындағы көп күттіріп отырған жекпе-жек жанкүйерлер көңілінен шықпай, PPV (ақылы жүйе) үшін тиімсіз екенін жазыпты. 

"Соңғы екі жылда Головкин мен "Канело" арасындағы жекпе-жек туралы көп әңгіме айтылып жатыр. Бұл жекпе-жекті жанкүйерлер асыға күтіп отырғаны да белгілі. Бірақ PPV сатылымы бойынша (ақылы көрсетілім) бұл жекпе-жек тиімсіз болады. 

Головкиннің өзінің PPV жүйесі бойынша өткізген соңғы екі кездесуінде жанкүйерлерді көп тарта алмайтынын көрсетті. Оның Давид Лемьеге қарсы өткізген кездесуі PPV сатылымынан 153 мың көрермен жинаса, Дэниэл Джейкобсқа қарсы кездесу 170 мың жанкүйер жинады. Әрине, бұл жекпе-жектерде Головкин қарсыластарынан сатылым бойынша қолдау таппады. Өйткені, ол екі боксшының да PPV көрсеткіштері төмен әрі жанкүйерлері аз. 

Ал "Канелоның" Максикадағы жанкүйерлері өте көп. Бірақ оның АҚШ-та ол PPV жүйесінде айтарлықтай танымал емес. Иә, "Канелоның" АҚШ-та жанкүйерлері бар. Қазір ол PPV көрсеткіші бойынша нөмірі бірінші боксшы. Алайда кіші Флойд Мейвезер және Мэнни Пакьяоның деңгейінің маңына жолаған жоқ. "Канелоның" жанкүйерлері оның жасы небәрі 26 жаста деп ақталады. Бірақ ол 30-ға келгенде PPV жұлдызына айналатын шығар. 

Өйткені, Мейвезер мен Пакьяоның жастары 26 да болғанла PPV жұлдыздары болмаған. Сондықтан да "Канелоның" Головкинмен НВО арнасында өткізетін PPV-ден қомақты қаржы таба алмайды. Себебі, олар қазіргі уақытта нағыз бокс жұлдыздары емес, 

Бұрындары "Канело" PPV-ден әжептеуір сатылым жинады. Бірақ ол кезде оның қарсыласы лойд Мейвезер мен Мигель Котто болған еді. Ал Головкин бұл боксшылардың деңгейіне жетпейді және жуық арада жете алмайтын да шығар. 

"Канело" мен Головкиннің кездесуі жанкүйерлер асыға күтіп отырған жекпе-жек болып жатқаны өкінішті. Бұл жекпе-жек PPV-ден бір миллион табыс та кіргізе алмайтын шығар. Өйткені, бұл рынок қазіргі уақытта өшіп жатыр", - делінген Boxing News and Results порталының материалында. 

Айта кетейік, Головкин мен "Канело" арасындағы жекпе-жек қыркүйек айында өтеді деп күтілуде. Қазіргі уақытта екі боксшының командалары келіссөздер жүргізіп жатыр.