Мигель Котто "Канело" мен Головкин арасындағы кездесуде кім жеңіске жетенін болжады

Төрт салмақ бойынша әлемнің бұрынғы чемпионы Мигель Котто орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкин (37-0, 33 КО) мен Сауль "Канело" Альварес (49-1-1, 34 КО) арасындағы кездесуге байланысты өз болжамын жасады.

ESPN Deportes арнасының A Los Golpes бағдарламасында Коттоға үлкен экранға "Канело" мен Головкиннің біреуін таңдау туралы ұсыныс берілді. Мигель мексикалық боксшыны таңдады.

Айта кетейік, Котто 2015 жылдың қараша айында "Канелоға" қарсы жекпе-жек өткізіп, орта салмақтағы WBC чемпиондық белбеуінен айырылып қалды. Жуырда пуэрторикалық боксшы Сауль Альварестің жұмыстарымен айналысатын Golden Boy Promotions промоутерлік компаниясымен келісімшарт жасаған еді.

Содан кейін Коттоның келесі жекпе-жегі туралы хабарланған еді. Ол өзінің келесі кездесуін 26 тамыз күні Лос-Анджелесте жапониялық Йосихиро Камегаимен (27-3-2, 24 КО) жұдырықтасады. Бұл кездесуде бірінші орта салмақтағы WBO чемпиондық белбеуі сарапқа салынады.

Әлеуметтік желілерде бөлісу