Мейірім Нұрсұлтановтың келесі қарсыласы белгілі болды

Қазақстандық кәсіпқой боксшы Мейірім Нұрсұлтановтың (5-0, 4 КО) кәсіпқой бокстағы келесі қарсыласы анықталды, деп хабарлайды Vesti.kz порталы.

Отандасымыз өзінің келесі кездесу 3 наурыз күні Нью-Йорк қаласындағы Madison Square Garden спорт кешенінде өткізеді. Бұл бокс кешінің басты жекпе-жегінде Сергей Ковалев пен отандасы Игорь Михалкин шаршы алаңға шығады.

Ал Нұрсұлтановтың бұл кездесудегі қарсыласы Алехандро Торрес (9-3-2, 4 КО) болады. Жекпе-жек алты раундқа жоспарланған.

Мексикалық боксшы кәсіпқой бокстың шаршы алаңында 14 кездесу өткізіп, бес рет жеңіліп қалған. Торрес үш рет нокаутпен жеңілсе, өзі қарсыластарын бір рет нокаутқа түсірген.

Мейірім Нұрсұлтанов болса өзінің соңғы кездесуін 25 қарашa күні Madison Square Garden спорт кешенінде өткізіп, америкалық Эрик Муннан үстем түсті. Жалпы отандасымыз кәсіпқой бокста бес кездесу өткізіп, барлығында жеңіске жеткен. 4 рет ол қарсыласын нокаутқа түсірген.

Айта кетейік, дәл осы бокс кешінде тағы бір отандасымыз шаршы алаңға шығады. Ол - Мадияр Әшкеев. Оның қарсыласы Доминикан Республикасының боксшысы Хосе Антонио Абреу болады.

Әлеуметтік желілерде бөлісу