Филиппиндік былғары қолғап шебері Мэнни Пакьяоның жеке бапкері Фредди Роучтың ойынша «Пакмен» аустралиялық боксшы Джефф Хорнға қарсы қарымта кездесу өткізеді, деп хабарлайды QSport.kz порталы.
«Алғашқы жекпе-жектен соң Арум Хорннан жұлдыз жасағысы келіп жүр, алайда қарымта кездесуден кейін бұл ойының дұрыс болмағанын түсінеді. Қарымта жекпе-жек өткізуді талап етуге біздің құқығымыз бар. Егер аталмыш кездесу өтсе, бұл Пакьяоның мансабындағы соңғы жекпе-жегі болмақ. Үлкен спортпен қош айтысқан соң Мэнни саясатқа араласқысы келеді», - деп атап өтті Роуч Boxingscene басылымына берген сұхбатында.
Айта кетейік, бокс әлемі Хорн - Пакяьо жекпе-жегінің жеңімпазын дұрыс таңдамады деген пікірде. 2-ші шілде күні өткен кездесуде төрешілердің шешімен (117:111, 115:113, 115:113) аустралиялық боксшы жеңімпаз атанды.
Жарнама