Майк Тайсон Джошуа-Уайлдер арасындағы жекпе-жектің фаворитін атады

Атақты Майк Тайсон IBO, IBF, WBA (Super) және WBO тұжырымдары бойынша әлем чемпионы Энтони Джошуаның соңғы жекпе-жегіне көңілі толмайтынын айтты, – деп хабарлайды Fightnews.info сайты.

"Темір" Тайсон аса ауыр салмақта жұдырықтасатын Энтони Джошуаның соңғы Паркермен өткізген жекпе-жегіне көңілі толмайтынын білдіріп, Уайлдармен болатын жекпе-жекте кімнің жеңіске жетуі мүмкін екенін де айтты. Ол өз сөзінде:«Джошуаның соңғы жекпе-жегі маған нашар әсер қалдырды. Ал Уайлдер болса, әр жекпе-жек сайын күшейіп келеді. Екеуінің текетіресінде кімнің жеңіске жететінін айту қиын. Бірақ бұл жекпе-жектің нокаутпен аяқталатыны сөзсіз», – деді Тайсон.

Айта кетейік, Доентей Уайлдер соңғы жекпе-жегін Луис Ортисқа қарсы өткізіп, нокаутпен жеңіске жеткен. Ал Джошуа Джозеф Паркермен 12 раунд жұдырықтасып, төрешілер шешімі бойынша жеңіске жетті. Америкалық боксшы WBC тұжырымы бойынша аса ауыр салмақтағы әлем чемпионы болса, Энтони Джошуа IBO, IBF, WBA (Super) және WBO тұжырымдары бойынша әлем чемпионы.

Әлеуметтік желілерде бөлісу