Маман Ербосынұлын биыл WBA, WBO және IBF белбеуіне таласуы мүмкін екенін айтты
Пікірлер
blog.share
Қазақстандық кәсіпқой боксшы Айдос Ербосынұлы (15-0, 10 КО) биыл чемпиондық атаққа қол жеткізуі мүмкін. Мұндай пікірді Notifight.com порталының шолушысы Людо Саенс айтты. Vesti.kz тілшісіне берген сұқбатында ол боксшының командасын мақтап, оның мықты тұстарын тізбектеп шықты.
"Ербосынұлы биыл толық чемпиондық белбеуге таласа алады. Оның командасы дұрыс бағытты таңдаған. Пандемия кезінде мықты деген боксшылармен екі кездесу өткізді. Осының арқасында да ол рейтингте жоғары көтерілді. Қарсыластарының деңгейін ақырындап көтеріп, олар нақты мақсатына жақындап жатыр.
Биыл Ербосынұлы WBA, WBO және IBF белбеуіне таласуы мүмкін. Әрине, Альварес, Сондерс немесе Джейкобс секілді жігіттермен жұдырықтасуға әлі ерте. Бірақ чемпиондық белбеуге мүмкіндік бар. Тек асықпау керек. Оның басты мықты тұсы - тұрақтылық. Ол жылына кемінде төрт, бес кездесу өткізуде. Осылайша ол көздегеніне жете алады, - деді Саенс.
Еске салайық, Айдос Ербосынұлы соңғы кездесуін 16 желтоқсан күні өткізіп, ганалық Исса Самирадан үстем түсті. Бұл кездесуде отандасымыз WBC Asia, WBA International және WBO Global белбеулерін қорғап қалды. Кездесу 12 раундқа жоспарланған болатын. Бірақ отандасымыз қарсыласын үшінші раундта нокаутқа түсірді.
Қазіргі уақытта ол WBA нұсқасы бойынша әлемдік рейтингте екінші, WBO тізімінде төртінші, ал IBF рейтингінде жетінші орында келеді.
Қазақстандық кәсіпқой боксшы Айдос Ербосынұлы (15-0, 10 КО) биыл чемпиондық атаққа қол жеткізуі мүмкін. Мұндай пікірді Notifight.com порталының шолушысы Людо Саенс айтты. Vesti.kz тілшісіне берген сұқбатында ол боксшының командасын мақтап, оның мықты тұстарын тізбектеп шықты.
"Ербосынұлы биыл толық чемпиондық белбеуге таласа алады. Оның командасы дұрыс бағытты таңдаған. Пандемия кезінде мықты деген боксшылармен екі кездесу өткізді. Осының арқасында да ол рейтингте жоғары көтерілді. Қарсыластарының деңгейін ақырындап көтеріп, олар нақты мақсатына жақындап жатыр.
Биыл Ербосынұлы WBA, WBO және IBF белбеуіне таласуы мүмкін. Әрине, Альварес, Сондерс немесе Джейкобс секілді жігіттермен жұдырықтасуға әлі ерте. Бірақ чемпиондық белбеуге мүмкіндік бар. Тек асықпау керек. Оның басты мықты тұсы - тұрақтылық. Ол жылына кемінде төрт, бес кездесу өткізуде. Осылайша ол көздегеніне жете алады, - деді Саенс.
Еске салайық, Айдос Ербосынұлы соңғы кездесуін 16 желтоқсан күні өткізіп, ганалық Исса Самирадан үстем түсті. Бұл кездесуде отандасымыз WBC Asia, WBA International және WBO Global белбеулерін қорғап қалды. Кездесу 12 раундқа жоспарланған болатын. Бірақ отандасымыз қарсыласын үшінші раундта нокаутқа түсірді.
Қазіргі уақытта ол WBA нұсқасы бойынша әлемдік рейтингте екінші, WBO тізімінде төртінші, ал IBF рейтингінде жетінші орында келеді.
Жарнама