Том Леффлер: "Канелоны" жеңгеннен кейін Головкиннің танымалдығы арта түседі

Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкиннің (37-0, 33 КО) промоутері Том Леффлер мексикалық Сауль "Канело" Альваресті тізе бүктіруі қазақстандық боксшының танымалдығын арттыра түседі.

"Бұл барлығымыз көптен күткен шайқас. Әрине, Абель Санчес осындай жекпе-жектерді өткізуді ұсынған. Геннадий үшін бұл жекпе-жек арман болды. Осы күнге дейін өткізген жекпе-жектерге қарағанда мексикалық боксшымен шаршы алаңға шығу басқа деңгей болып саналады. Бұл арман еді. Бұл кездесу Головкинді жаңа деңгейге көтеріп, бокс әлемінде біріншілер қатарында болуға мүмкіндік береді. Егер ол 16 қыркүйекте біз күткендей өнер көрсететін болса көптеген фанаттар құрамына мыңдаған жанкүйерлер қосылады.

Олардың жекпе-жегіне билеттер үш аптаның ішінде сатылып кетті. Аншлаг болатыны сөзсіз. Жекпе-жекті 120-130 елде көрсетеді. Бұл Головкиннің Лас-Вегастағы дебюті болады", - деді Леффлер RingTV арнасына берген сұхбатында.

Айта кетейік, Головкин - "Канело" жекпе-жегі 16 қыркүйек күні Лас-Вегастағы (АҚШ, Невада) T-Mobile Arena аренасында өтеді.

Сауль Канело Альвареске қарсы жекпе-жекте Геннадий Головкин орта салмақта WBC, WBA (Super), IBF және IBO чемпиондық атақтарын қорғайды. Мексикалық "The Ring" журналының белбеуін бәске тігеді.

Әлеуметтік желілерде бөлісу