Қуат Хамитов Головкинге "Канелоны" қалай жеңу керек екенін айтып берді

Ережесіз жекпе-жекте ел намысын қорғап жүрген Қуат Хамитов Vesti.kz порталының тілшісіне орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0, 33 КО) мексикалық Сауль "Канело" Альварес (49-1-1, 34 КО) арасында өтетін жекпе-жек туралы өз ойымен бөлісті.

- Мен спортта жүргеніме 20 жыл болды. Осы уақытқа дейін талай жекпе-жек өткіздім. Боксшыларды қарап, кездесудің қандай қарқында өтетінін айта аламын. Бұл жекпе-жек алдында қарсыласыңда зерттеу секілді. Головкин мен "Канело" кездесуінің тағдырын көпшілік ойлап жүргендей соққының ауырлығы шешпейді. Жекпе-жек бір боксшыны аңызға айналдырса, біреуін абыройынан айырады.

Бұған дейін бокс жанкүйерлері екі боксшының да осал қарсылас таңдап жүрді деп айыптап келді. Сол үшінде жеңіске жеткен боксшы орта салмақтың патшасы атанады. Ал екіншісі ешқашан шыға алмайтын шұңқырға түседі. Сондықтан да екі боксшы да кездесуде нар тәуекелге бармайды. Жекпе-жектің жеңімпазы төрешілердің шешімі бойынша анықталаып, Андре Уордтан кейін P4P рейтингінде екінші орынға шығады.

- Сіздің ойыңызша бұл кездесуде кім жеңіске жетеді?

- Негізі мен мұны айта аламын. Бірақ жекпе-жектен кейін айтамын. Бір нәрсені айта кетейін ... Бұл кездесуде Головкин жеңіске жеткісі келсе, оған екі нокдаун керек. Біріншісі алтыншы раундқа дейін, екіншісі алтыншы раундтан кейін.

Қазіргі уақытта Альварес Мейвезердан кейінгі PPV жүйесінде қыруар ақша табатын боксшы. Сол себепті жекпе-жек кезінде көп фактор "Канелоның" пайдасына болады.

Айта кетейік, Головкин - "Канело" жекпе-жегі 16 қыркүйек күні Лас-Вегастың (АҚШ, Невада) T-Mobile Arena аренасында өтеді.

Сауль Канело Альвареске қарсы жекпе-жекте Геннадий Головкин орта салмақта WBC, WBA (Super), IBF және IBO чемпиондық атақтарын қорғайды. Мексикалық "The Ring" журналының белбеуін бәске тігеді.

Әлеуметтік желілерде бөлісу