Қазақстандық боксшы Иса Ақбербаев IBO рейтингінде бір саты жоғарылады

Халықаралық бокс ұйымы (IBO) рейтингісінің жаңа нұсқасы жарияланды.

Рейтингте бірқатар қазақстандық спортшылардың да көрсеткіші өзгерді.

Атап айтсақ, Иса Ақбербаев ауыр салмақта бір сатыға жоғары көтеріліп, 31-орынға табан тіреді. Ал, Жанқош Тұраров жартылай орта салмақтағы рейтингіде үш сатыға төмендеп, 91-інші орынға тұрақтады.

Иса Акбербаев өзінің соңғы кездесуін 4 тамыз күні Ресейдің Сочи қаласында өткізіп, украиналық қарсыласы Юрий Барашьянды жеңген еді. Осылайша отандасымыз WBA Asia West белбеуін жеңіп алды. 

Ал Қанат Ислам болса өзінің келесі кездесуін 9 қыркүйек күні Астана қаласында канадалық Брэндон Кукке қарсы өткізеді. Дәл осы бокс кешінде Жанқош Тұраров та шаршы алаңға шығады. Оның қарсыласы аргентиналық Бруно Леонардо Ромэ болады