Қазақстандық боксшы Альвареспен өткізген спаррингі жайлы айтып берді

instagram.com/bobirzhan_mominov/

Қазақстандық боксшы Бобыржан Момынов (3-0, 3 КО) орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкиннің (37-0, 33 КО) қарсыласы мексикалық Сауль "Канело" Альвареспен өткізген спаррингі жайлы айтып берді, - деп хабарлайды Vesti.kz.

"Канеломен" бірінші спарринг өткіздім. Керемет спарринг болды. "Канело" енді-енді бабына келіп жатыр. Біз тарихтың бір бөлігіміз. Осында болғаныма қуаныштымын", - деп жазды Момынов Іnstagram желісіндегі парақшасында.

Great first sparring with Canelo,feeling great,Canelo is getting ready.We are part of the history.Blessed to be here. #Canelo#GGG#kazakhstan#Boxer#boxing#CanelovsGGG

Публикация от BOBIRZHAN MOMINOV (@bobirzhan_mominov) Июл 18 2017 в 4:34 PDT

Айта кетейік, Момынов орта салмақта өнер көрсетеді. Ол кәсіпқой бокста үш жекпе-жек өткізіп, үшеуінде де қарсыластарын нокаутпен жеңді.

Айта кетейік, Головкин - "Канело" жекпе-жегі 16 қыркүйек күні Лас-Вегастағы (АҚШ, Невада) T-Mobile Arena аренасында өтеді.

Сауль Канело Альвареске қарсы жекпе-жекте Геннадий Головкин орта салмақта WBC, WBA (Super), IBF және IBO чемпиондық атақтарын қорғайды. Мексикалық "The Ring" журналының белбеуін бәске тігеді.

Әлеуметтік желілерде бөлісу