Қазақстандық боксшы әлемнің бұрынғы чемпионы Эвандер Холифилдпен таныстығы туралы айтып берді

Олимпиада ойындарының екі дүркін жүлдегері Иван Дычко Vesti.kz порталының тілшісіне аса ауыр салмақта әлемнің бұрынғы чемпионы Эвандер Холифилдпен қалай танысқанын айтып берді.

- Иван, сіздің дайындығыңызға танымал америкалық боксшы Эвандер Холифилд көмектесетін болды. Бұл маманмен танысып, сөйлесіп алдыңыздар ма?

- Мен дәл қазір Холифилдпен ашық сөйлестім деп айта алмаймын. Себебі, мен ағылшын тілін дұрыс білмеймін. Бірақ ол жақсы жігіт екені көрініп тұр. Ол біздің жаттығу залына жиі келіп тұрады. Өйткені, мұнда оның достары көп.

Қазіргі уақытта мен Дерик Сантоспен жаттығу өткізіп жатырмын. Жаттығуларымыз жақсы өтіп жатыр.

Еске салайық, 26 жастағы қазақстандық боксшы Иван Дычко америкалық The Heavyweight Factory. промоутерлік компаниясымен бес жылдық келісімшарт жасады. Оның кәсіпқой бокста бірінші кездесуін тамыз айының соңында өткізуі мүмкін. Қазіргі уақытта отандасымызды ресейлік Сергей Ковалевтің бұрынғы бапкері Дерек Сантос-Россарио жаттықтырып жатыр. Сондай-ақ Дычконың дайындығына танымал америкалық боксшы Эвандер Холифилд көмектесетін болады.

Әлеуметтік желілерде бөлісу