Кәсіпқой бокста жақын арада үлкен өзгерістер болғалы жатыр, деп хабарлайды
Vesti.kz тілшісі "Чемпионат.сом" сайтына сілтеме жасай отырып.
Чемпиондар Лигасы Суперсериясы атты жаңа дода ұйымдастырылмақ. Жүлде қоры - 50 миллион долларды құрағалы отыр. Сонымен қатар, жарысқа қатысушы боксшылардың Мұхаммед Әли сыйлығын жеңіп алуға мүмкіндігі бар.
Жоспарға сәйкес, өз салмағында үздік боксшылар бір-бірімен олимпиадалық жүйе бойынша жұдырықтасады. Жыл сайын чемпиондар Лигасы екі салмақ дәрежесінде өткізілмек. Әр салмақтан 8 боксшы бақ сынайды.
Жарысқа қатысушы боксшыларды әлемнің үздік бокс ұйымдары мен арнайы жасақталған қазылар іріктейді. Алғашқы жарыстың өткізілу мерзімі маусым айында белгілі болады.
Жарнама