"Канелоның" бұрынғы қарсыласы Головкиннің жағы мықты дегенге күмән келтірді

©The Fight City

Мексикалық боксшы Альфредо Ангуло Геннадий Головкиннің жағы мықты дегенге күмән келтірді, сондай-ақ ол қазақстандық боксшының Дэниэл Джейкобспен өткен кездесуіне және болашақта Сауль "Канело" Альвареспен болатын жекпе-жекке баға берді.

"Джейкобс тамаша жекпе-жек көрсетті, бірақ жеңіске жетуі үшін оған тағы бұдан да мықты болуы керек еді. Сіз әлем чемпионымен жұдырықтасқан кезде, қарсыласыңда басылымдылық болады, сондықтан ол көбірек раундтарды таза жеңуге тырысу керек болатын.

"Канеломен" өтетін жекпе-жекке байланысты менің ойым өзгерген жоқ, яғни Головкин өзінің соққысының ауырлығының арқасында жеңіске жетуі мүмкін. Бірақ "Канелода" жеңіске жететін мүмкіндік бар, ол көп нәрсе үйренді. Сонымен қатар, Головкиннің жағын ешкім 100 пайызға тексеріп көрген жоқ, ал "Канело" Джеймс Киркландпен өткен жекпе-жегінде кез келген соққыға дайын екенін көрсетті. Сол себепті рефери кімнің қолын көтерері қызық болып тұр", - деді Ангуло Villainfy Media басылымына берген сұхбатында.

Ангуло 2014 жылы "Канелодан" мерзімінен бұрын ұтылып қалған болатын. Ол өз отандасының Головкиннен қашып жүргенін айыптап, бірнеше рет сынаған еді.

Әлеуметтік желілерде бөлісу