"Канелоның" ағасы Головкинмен өтетін кездесуге кеңес берді

Мексикалық боксшы Сауль "Канело" Альварестің (49-1-2, 34 КО) ағасы Ригоберто Альварес WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкинмен (37-0-1, 33 КО) өтетін кездесудің алдында інісіне кеңес берді.

"Канело" мен Головкин арасындағы екінші кездесу өтуі тиіс еді. Өйткені, бірінші кездесуде шешілмеген біраз дүние қалды. Сондықтан менің інім де, Головкин де екінші кездесуді ұйымдастыруды қалады. Оларға тек бірнеше экономикалық және телевиязиялық мәселелерді шешуі керек еді.

Екінші кездесуде "Канело" көп соққы жасауы керек. Сонымен қатар ол физикалық тұрғыдан дайын болуы керек. Себебі, Головкиннің физикасы өте мықты. Мамырда өтетін екінші кездесу де қызық болайын деп тұр", - дейді Альварестің ағасы Boxingscene.com басылымына берген сұқбатында.

Қазіргі уақытта екінші кездесудің өтетін орны нақты белгілі болған жоқ. Бірақ екінші кездесуді қабылдауға Лас-Вегастағы "T-Mobile Arena" спорт кешені басты үміткер. Головкиннің промоутері Том Леффлердің айтуынша, бұл сұрақ алдағы екі-үш аптада шешіледі.

Головкин мен "Канело" арасындағы бірінші кездесу "T-Mobile Arena" спорт кешенінде жанкүйерлерді жинау көрсеткіші бойынша рекорд орнатқан еді. Сонымен қатар бұл кездесудің билеттер сатылымы бойынша көрсеткіш бокс тарихында үшінші орынға жайғасты. Ал Daily Mail баслымының дерегі бойынша, бірінші кездесуде қазақстандық боксшы 25 миллион доллар табыс тапса, мексикалық боксшы отандасымызға қарағанда 10 миллион долларға көп табыс тапқан.

Әлеуметтік желілерде бөлісу